Елордалық прокурорлар азаматтарды алдын-ала жазылмай-ақ қабылдайды

Астана қаласы Сарыарқа ауданының прокуратурасы қабылдауды алдын ала жазылусыз, күн сайын жұмыс уақытында жүргізеді, деп хабарлады Elorda.info.

Осыған орай, прокуратура органдарының құзіретіне кіретін сұрақтар бойынша Астана қаласы Жеңіс даңғылы, 9 мекенжайына хабарласуларыңызға болады.

Кезекші прокурорлар ішкі істер органдарында, пенитенциарлық және арнаулы мекемелерде (тергеу изоляторлары, уақытша ұстау изоляторлары, арнаулы қабылдау орындары, қабылдау-тарату орындары, гауптвахталар) азаматтарды қабылдауды кемінде аптасына бір рет жүргізеді, - делінген хабарламада.

Сонымен қатар, ӘРПК-нің 63 бабына сәйкес аудандық прокуратураға пошта арқылы, Электрондық Үкімет порталы (электрондық цифрлық қолтаңба қойған кезде), «e-otinish» ақпараттық жүйесі немесе қолма-қол арқылы жазбаша жүгіне аласыздар.

Өтініштеріңізді тіркеу және қарау үшін жоғарыда аталған әдістердің бірімен прокуратураға беру қажет.