Елордада электр кабелін зақымдаған кәсіпкер жауапкершілікке тартылды

ашық дереккөз

"Келісілмеген жер қазу жұмыстары кезінде 20 кВ кабель желісін зақымдауы туралы «Астана-АЭК» АҚ өтініші негізінде Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Нұр-Сұлтан қаласы бойынша аумақтық департаментімен жүргізілген жоспардан тыс тексеру нәтижесінде «Әкімшілік құқық бұзушылық туралы» Қазақстан Республикасы Кодексінің 305-бабы және 302-бабының 2-тармағы бойынша «Астана-авто-строй» ЖШС әкімшілік жауапкершілікке тартылды", - делінген хабарламада.

Осыған орай, Департамент электр желілерін сақтауды қамтамасыз ету, пайдаланудың қалыпты жағдайларын жасау, олардың зақымдануының, сондай-ақ осы желілердің күзет аймағында қалған тұрғындар арасында жазатайым оқиғалардың алдын алу мақсатында электр желілерінің күзету аймағында жер қазу жұмыстарын жүргізу барысында Қазақстан Республикасы Энергетика министрінің 2015 жылғы 25 ақпандағы №143 бұйрығымен бекітілген «Электр желілері объектілерінің күзет аймақтарын және осындай аймақтардың шекараларында орналасқан жер учаскелерін пайдаланудың ерекше шарттарын белгілеу қағидалары» талаптарын орындау қажеттілігі туралы назарға салады.

Әлеуметтік желілерді бөлісіңіз