Қалалық әкімдікте су тасқынының алдын алу бойынша атқарылып жатқан жұмыстар туралы айтылды

«Су тасқынының алдын алу және салдарын жою үшін «Астана Тазалық» ЖШС базасында 12,6 тонна инертті материалдар қоры, 3,5 мың қаптар дайындалды. 2021 жылдың 24 наурызына «Астана-Энергия» АҚ көмір қоры 294 060 тонна қатты отынды құрайды. Атап айтқанда ЖЭО-1- 56 815 тонна, ЖЭО-2- 237 245 тонна  және мазуттың жалпы  қоры 6 756 тоннаны құрайды», деп көрсетті Бауыржан Бейсенқанов. Сонымен қатар азық-түлік және ЖЖМ жеткізу бойынша 3 меморандум жасалды, оның ішінде азық-түлікпен жабдықтау бойынша «Мол Дастархан» және «Тағзым» қоғамдық тамақтану желісімен 2 меморандум және ЖЖМ бойынша «PetroRetail» ЖШС 1 меморандум жасалған. Сондай-ақ, 2020 жылы Төтенше жағдайлар кезінде халықты қоныстандыру бойынша «Жігер», «Әлқуат», «Нұрғалиев Б» ЖК және «АЮ» хостелімен меморандумдар жаңартылды және жалпы саны 1500 адамға арналған 10 уақытша орналастыру пункті дайын.