Әлеуметтік маңызы бар азық-түліктерге арналған баға келесі жылдың сәуіріне дейін бекітіледі

Ведомство өкілі сөз арасында баға негізсіз көтерілген жағдайда атқарылатын шаруалармен таныстырып өтті. «Баға көтерілген жағдайда тұрақтандыру қорларынан тауар интервенциялары жедел жүргізіледі. Қазір қаланың 6 сауда нысанында, яғни «Магнум», «Астықжан», «Вкус Март», «Ақмол», «Шапағат» және «Смолл» сауда орындарында қанттың интервенциялары килосына 220 теңгеден аспайтын баға бойынша сатылады. Жалпы қорда 900 тоннадан астам қант бар. Нан бағасын тұрақтандыру бойынша да жұмыс жалғасуда. Ол үшін отандық өндірушілерге ұн сатып алуға жергілікті бюджеттен қосымша 600 млн теңгеден астам қаржы бөлінді. Бұл сатып алынған ұн қыркүйек айында келесі егін жиналғанға дейін жеткілікті болады. Отандық өндірушілермен осы жылдың желтоқсан айынан келесі жылдың мамыр айына дейін жеміс-көкөніс өнімдерін тіркелген бағамен сату үшін форвардтық келісімшарттар жасалды», - дейді басқарма басшысының орынбасары.