Елордадағы инвестициялық кеңесте нан зауыты, сүт зауыты, көкөніс қоймаларын салу жобалары қолдау тапты

ашық дереккөз

«Кез келген қарқынды өсіп жатқан қалаға әлеуметтік нысандар да, азық-түлік кәсіпорындары да көбірек қажет. Инвестициялық кеңесте нан зауыты, сүт зауыты, көкөніс қоймасының құрылысына қатысты жобалар қолдау тапты. Бұл шаралар азық-түлік қауіпсіздігін қамтамасыз етіп, нарықты жергілікті тауармен жабдықтауға, әлеуметтік маңызы бар өнімдердің бағасын ұстап тұруға мүмкіндік береді», - деп жазды А.Көлгінов.

Инвестиция мәселелері жөніндегі өңірлік кеңесте - оқу орындарының (мектептер, балабақшалар), металл-пластик конструкцияларын шығаратын зауыттың, өндірістік-қойма үй-жайларының және басқа да бірқатар маңызды нысандардың құрылысына қолдау көрсетілді. «Мемлекет басшысының тапсырмасына сәйкес, инвесторларға қолайлы жағдай жасаймыз. Өйткені, әрбір инвестициялық жоба экономикаға жеке инвестицияларды тартып қана қоймай, сонымен бірге қала мен қала тұрғындарына қажет нысандар мен жұмыс орындарын құруға мүмкіндік береді», - деді елорда әкімі.

Әлеуметтік желілерді бөлісіңіз