Биыл құрылысы ұзаққа созылған «Жағалау-3» ТК пайдалануға беріледі

ашық дереккөз

«8 жылдық тарихы бар құрылысы ұзаққа созылған тағы бір нысанның құрылысы аяқталуға жақын қалды. «Жағалау-3» тұрғын үй кешенінде орналасқан 30-блокта 600-ден астам алданған отбасы бар. Тұрғындармен бірнеше рет болған кездесулер барысында кезең-кезеңмен құрылыс кестесін әзірледік. Шешілмеген мәселелер көп болды. Қазіргі уақытта үй орталық сумен жабдықтауға, жылу мен кәрізге қосылды. Тұрғын үй кешенін тұрақты энергиямен жабдықтау желілеріне қосу бойынша жұмыстар жүргізудеміз, қазір үй уақытша электрмен жабдықталуда», - деп жазды А.Көлгінов.

[caption id="attachment_42166" align="alignnone" width="800"] Фото: Александр Куприенко/Elorda Aqparat[/caption] Қасбеттік бөлік бойынша жұмыстар аяқталды, абаттандыру жұмыстары аяқталу сатысында: үлкен ауладан басқа, футбол және баскетбол алаңын орнату бойынша да жұмыс жүргізіледі. Жақын арада жұмысшылар кіреберістерді ішкі әрлеуге кіріседі, лифтілердің бір бөлігін орнатты, олар бойынша жұмыстар жалғасуда. «Жағалау-3» 30-блок құрылысын аяқтап, үйді жыл соңына дейін пайдалануға беруді жоспарлап отырмыз. Үлескерлер Жаңа жылды көптен күткен пәтерлерінде қарсы ала алады. Сонымен қатар, «Жағалау-3» 28 және 29-блогының құрылысын аяқтау бойынша жұмыстар жүргізудеміз. Құрылысы ұзаққа созылған нысандардың құрылысын қайта бастау және аяқтау оңай мәселе емес, әрбір үй жеке жұмысты талап етеді. Осы бағытта тиісті жұмыстар жүргіземіз», - дейді елорда әкімі.