Байқоңыр ауданы әкімдігінде сыбайлас жемқорлыққа қарсы күрес туралы дәріс өтті

Шара сыбайлас жемқорлыққа қарсы мәдениетті қалыптастыруға және қоғамда парасаттылық, адалдық, өз әрекеттері мен мінез-құлқына жауапкершілік қағидаттарын, сондай-ақ адамгершілік қасиеттерді таратудың маңыздылығын түсінуге арналған. Кездесуге қатысушылар парасаттылық пен адалдыққа тәрбиелеудің ұлттық негіздері, этикалық мәдениет деңгейінің қоғамдағы сыбайлас жемқорлықтың таралуымен арақатынасы туралы мәселелерді талқылады. Сондай-ақ парасаттылықты ілгерілету үшін пайдаланылуы мүмкін жаңа әзірлемелермен танысты. «Қазіргі уақытта сыбайлас жемқорлыққа қарсы саясаттың маңызды бағыттарының бірі – сыбайлас жемқорлыққа қарсы насихатпен қоғамдық сананы өзгерту, сыбайлас жемқорлыққа қарсы мінез-құлықты және сыбайлас жемқорлық көріністеріне теріс қатынасты қалыптастыру. Қоғамда сыбайлас жемқорлықтың кез келген көріністеріне төзбеушілік жағдайы құрылуы тиіс», – делінген таратылған хабарламада. Спикер ретінде Қазақстан Республикасы Президентінің жанындағы Мемлекеттік басқару академиясының Сыбайлас жемқорлыққа қарсы іс-қимыл мәселелерін зерделеу жөніндегі зерттеу орталығының сарапшы-талдаушысы Айбек Қабылдин сөз сөйледі.