Елордаға ұшып келген 104 авиажолаушы стационарлық карантинге жіберіліп, 1 адам еліне қайтарылды

«Бүгін түнде Нұр-Сұлтан әуежайына 4 ұшақ қонды, рейстерді Turkish Airlines, Air Astana және Flydubai жүзеге асырды. Барлығы 514 адам ұшып келді. 104 жолаушыда ПТР-тест жоқ, олар стационарлық карантинге жіберілді. ПТР сынақтарын тапсырғаннан кейін үйіне жіберіледі, оң нәтиже болған жағдайда олар жұқпалы аурулар ауруханасына жатқызылады. Канаданың бір азаматы жер аударылды», - делінген хабарламада.

Нұрсұлтан Назарбаев халықаралық әуежайы мемлекеттік қызметтермен өзара тығыз іс-қимыл жасай отырып, коронавирустық инфекцияның таралуын болдырмау жөніндегі мынадай іс-шаралар кешенін іске асыруда:

• Жолаушылар міндетті түрде термометриядан өтеді. Ол үшін тепловизорлы смарт-камералар қолданылады.

• Жолаушылар терминалында СКП бригадалары тәулік бойы кезекшілік етеді (санитарлық-карантиндік пункт).

• Ішкі және халықаралық рейстердің келу және кету аймақтарында жолаушылар үшін қолды дезинфекциялауға арналған пункттер (санитайзерлер) ұйымдастырылған.

• Жолаушыларды тіркеу аймақтарында, сондай-ақ Нұрсұлтан Назарбаев халықаралық әуежайының барлық аумағында 1,5 метр әлеуметтік қашықтықты қамтамасыз ету үшін еден үсті визуализациясы ұйымдастырылды.

• Арнайы дезинфекциялау құралдарын пайдалана отырып, әуежай үй-жайларын санитариялық өңдеу жиілігі ұлғайтылды. Вирусқа қарсы белсенділігі бар антисептикалық қосылыстар қолданылады.

• Нұрсұлтан Назарбаев әуежайына келетін барлық әуе кемелері дезинфекциялық өңдеуден өтеді. Сондай-ақ, жолаушыларға қызмет көрсетуге тартылған техниканы дезинфекциялау тұрақты негізде жүргізіледі.

• Әуежай қызметкерлеріне жаңа үлгідегі коронавирустық инфекцияның таралуының алдын алу шаралары туралы нұсқаулық өткізілді.