КВИ-дің екінші толқынына қор тарапынан 159 млрд теңге қарастырылып отыр – ӘМСҚ төрағасы

ашық дереккөз

«Коронавирус инфекциясының екінші толқынына дайындық туралы айтар болсам, кепілдендірілген тегін медициналық көмек көрсету пакетінің коронавирус инфекциясын емдеуге арналған бөлігіне өзгеріс енгізілді. Науқастар үшін мобильді топтар, стационарлар қарастырылды. Олар адамның сақтандырылу мәртебесіне қарамастан қызмет көрсететін болады. Бұл медициналық көмекке қолжетімділікті арттыратын болады. Осы ретте қазіргі таңда Сақтандыру қоры тарапынан коронавирус пен пневмониямен күреске 159 миллиард теңгеден астам қаржы қарастырылып отыр. Соның ішінде 50,5 миллиард теңге науқастарды коронавирустан емдеу үшін жұмсалады. Ал алдыңғы шепте науқастарға қызмет көрсететін медицина мамандарына сыйақы ретінде 91,9 миллиард теңге бөлінеді. стационарлық деңгейдегі ПТР-зерттеуге – 4,2 млрд теңге, үйдегі стационарда қызмет көрсетуге – 0,4 млрд теңге, амбулаториялық деңгейдегі ПТР-ға 10 млрд теңге, мобильді бригадалардың жұмысына 2,4 млрд теңге беріледі», - деді басқарма төрағасы.

Әлеуметтік желілерді бөлісіңіз