Елордада «Біз біргеміз» акциясы жалғасып жатыр

Нұр-Сұлтанда волонтерлер әлеметтік жағдайы төмен және көпбалалы отбасыларға, сондай-ақ мүмкіндігі шектеулі жандарға азық-түлік себеттерін жеткізуде, деп хабарлайды Елорда Инфо әкімдіктің сайтына сілтеме жасап. «Бізде күн сайын шамамен 20-30 мекенжай жоспарланады. Біз мұқтаж жандарға азық-түлік қана емес, гигиеналық құралдар – дымқыл майлықтар, бетперделер мен антисептиктер де жеткізіп береміз», - дейді ерікті Әл-Фараби Аймақ. Бүгін Нұр-Сұлтан қаласы әкімінің кеңесшісі Дәурен Бабамұратов әлеуметтік жағдайы төмен және мүгедек жандарды бағып отырған отбасыларға 50 себет жеткізілгенін атап өтті. Азық-түлік себеттері демеушілер көмегімен дайындалған. «Біз біргеміз» акциясы аясында Нұр-Сұлтан қаласындағы әлеуметтік жағдайы төмен отбасыларға азық-түлік себеттерін жеткізу жұмыстары жалғасып жатыр. Біздің волентерлер карантин кезінде барлық сақтық шараларын сақтай отырып (үйге кірмей, себеттерді үй сыртында қалдыра отырып), азық-түлік себеттерін жеткізу шараларын жалғастырады», - дейді Дәурен Бабамұратов. [caption id="attachment_7464" align="alignnone" width="1280"] Фото қалалық әкімдіктен алынды[/caption] Елорда тұрғындары қала әкімдігі мен еріктілерге көрсеткен көмегі үшін алғыс білдірді.