Пірәлиева кинотеатрлардың ашылуы мен блок-бекеттерге қатысты сұрақтарға жауап берді

Нұр-Сұлтан қаласының бас санитарлық дәрігері Жанна Пірәлиева онлайн брифингте кинотеатрлардың ашылуы мен блок бекеттерге қатысты сұрақтарға жауап берді, деп хабарлайды Елорда Инфо. «Кинотеатрлардың ашылуына қатысты әзірге ешқандай өзгеріс енгізілген жоқ. Егер инфекция жұқтырғандар саны күрт көбейсе, басқаша алгоритм жасалады. Сонымен қатар блок-бекеттердің қайтадан қойылып, карантиндік тәртіптің қайта күшеюі туралы да дәл қазір ешқандай шешім шығарылған жоқ. Сол сияқты сауда, ойын-сауық орталықтарының жұмысы да, барлығы эпидахуалға байланысты. Біз күнделікті мониторинг жүргізіп отырамыз. Егер қандай да бір өзгеріс орын алып жатса, дер кезінде хабарлайтын боламыз», – деді Жанна Пірәлиева.