Министр астаналық оқушылармен кездесті

Экология және табиғи ресурстар министрі Зүлфия Сүлейменова «Ақылды бейсенбі» жобасы аясында Астана қаласы Халықаралық мектебінің 7-11 сынып оқушыларымен кездесу өткізді, деп хабарлады Elorda.info.

Жоба авторлары атап өткендей, оның мақсаты – қоғамда өз орны бар адамдармен кездесулер өткізу арқылы оқушылардың азаматтық-патриоттық санасын ояту.

Бұдан басқа, министрлік іске асыратын «Жасыл Қазақстан» ұлттық жобасынның «Экология болашағы» бағыттарының бірі де халықтың экобілім мен мәдениет деңгейін арттыруға бағытталған.

Кездесу барысында 3G сынып оқыушысы Сафия Өскенбаеваның тұрмыстық қатты қалдықтарды сұрыптау жобасы ұсынылды.

Оқушылар іс-шараға белсенді қатысты, олар өздерін қызықтырған сұрақтарына министрден жан-жақты жауап алды.