Елордада мереке күндері автобустар қалай жүреді

Мереке күндеріндегі қоғамдық көліктердің жүру кестесі белгілі болды, деп хабарлады Elorda.info CTS компаниясына сілтеме жасап.

Көліктік қызмет көрсетудің оңтайлы деңгейін қамтамасыз ету мақсатында, мереке күндері елорданың қоғамдық көлігі төмендегідей жүретін болады:

2023 жылғы 1 қаңтар – жексенбі күнінің кестесі.

Барлық қалалық және қала маңындағы №303, 304, 306, 307, 320, 323, 326 бағдарларының шығуы таңертеңнен бастап сағат 10:00-ге дейін бекітілген кестеге сәйкес 1 кесте сайын, одан әрі штат кестесі бойынша жүзеге асырылады.

Қала маңындағы №302, 305, 308, 309, 310, 311, 312, 313, 314, 315, 316, 317, 318, 319, 321, 322, 327 бағдарлар сағат 10.00-ге дейін линияға шықпайды. Одан әрі жексенбі күнінің штат кестесі бойынша жүзеге асырылады.

2023 жылғы 2 және 3 қаңтар – жексенбі күнінің кестесі.

Кейінгі күндері қоғамдық көлік жұмысы қолданыстағы қозғалыс кестесіне сәйкес штаттық режимде жүзеге асырылатын болады.