Елордада Халықаралық STEM мектеп олимпиадасына тіркелу басталды

Олимпиада 24-25 қарашада Astana it University қабырғасында өтеді. Іс-шараның мақсаты елорданың білім беру ұйымдарының зияткерлік дарынды оқушыларының зерттеу әлеуетін дамыту үшін жағдай жасау болып табылады, деп хабарлады Elorda.info қалалық әкімдіктің ресми сайтына сілтеме жасап.

Олимпиаданың әр кезеңінде балалар заманауи индустрия өнімдерін әзірлейді, құрастырады және дамытады. Олар белгілі бір жобаны зерттейді, нәтижесінде олар өз қолдарымен нақты механизмнің прототипін жасайды.

«STEM Олимпиада-Білім берудегі инновациялар» халықаралық олимпиадасына қатысу үшін мына сілтеме бойынша тіркелу қажет: https://forms.gle/
ELwNwcoGmZbgDi3a8
16 қараша күнгі сағат 18.00-ге дейін тіркелуге болады.

Олимпиаданың бірінші күні 24 қарашада өтеді, онда командалар пәндер бойынша жарысады:
-«Үй тапсырмасын» тексеру;
- Инженерлік робототехника.

Олимпиаданың екінші күні, 25 қарашада қатысушылар Бағдарламалау және 3D модельдеу бағыттары бойынша жарысады.

Әр командада екіден көп емес қатысушы болуы керек. Команда мүшелері әр түрлі жаста болуы мүмкін, бірақ бір мектептен.

Олимпиаданың нәтижелері туралы ақпарат қатысушыларға 2022 жылғы 25 қарашада кешке марапаттау рәсімінде хабарланады.