Әскери міндеттілердің денсаулығы ұдайы бақылауда – Серік Боранбаев

Әскери міндеттілердің денсаулығының қауіпсіздігін қамтамасыз ету бойынша қабылданып жатқан шаралар туралы ҚР ҚК Бас штабы бастығының орынбасары Серік Боранбаев түсіндіріп берді, деп хабарлайды Елорда Инфо тілшісі. «Әскери жиынға қабылдаудың алдында олардың денсаулығы толығымен тексеріліп шығады. Қазір олардың қауіпсіздігін қамтамасыз ету үшін санитарлық арнайы дәрігерлер бөлінген. Әскери борышын атқарып жатқан орындарда белгіленген уақыт бойынша тексеруден өткізіліп тұрады», - дейді Серік Боранбаев. Ол сөз арасында арнайы тексеруден бөлек іс-шаралар өтіп тұратынын мәлім етті. «Өздерінің күнделікті міндетін атқарып болғаннан кейін санитарлық-гигиеналық іс-шаралар өтеді. Міне осының бәрі өткізілгеннен кейін ғана босатылады», - дейді ҚР ҚК Бас штабы бастығының орынбасары.