Елорда маңын көктемгі қар су басу қаупі жоқ – вице-министр

Ішкі істер министрінің орынбасары Юрий Ильин Нұр-Сұлтан қаласының маңайындағы көктемгі қар тазалау жұмыстары қалай жүргізілгенін түсіндіріп берді, деп хабарлайды Елорда Инфо тілшісі. «Қалыпты өмір сүру жағдайына көктемгі қар құрсауы айтарлықтай кедергі келтірді. Тіпті тұрғындардың өз үйіне кіріп-шығуы мұң болды. Бірақ қазір жағдай тұрақты. Мемлекеттік органдармен, жергілікті атқарушы органдармен бірлесе отырып атқарған еңбектің арқасында жағдай қалыпқа келді. Ерекше айтарым, қарапайым тұрғындардың өзі қар шығаруға үлес қосуы жұмысымызды айтарлықтай жеңілдетті», - дейді вице-министр. Ол өз сөзінде көшелерді су басу жағдайлары болғанын, алайда коммуналдық қызмет пен министрлік бірлесіп бұл жағдайды ретке келтіргенін мәлім етті. Ал айтарлықтай қауіп тудырған жағдай орын алмапты. Сонымен қатар, 150-ге тарта жарылғыш жұмыстарын жүргізгенін, бұл еш кедергісіз өткізу қабілетін қамтамасыз еткенін айтып өтті. Олардың қатарында өзендер ағысын қалпына келтіру жұмысы да болған. «Егер ғайыптан тайып, аяқастынан ауа райы күрт бұзылмаса, қар аралас жаңбыр жаумаса су басу қаупі болмауы тиіс», - деп сөзін аяқтады Юрий Ильин.