Елордада 222 науқастың 2167 адаммен қатынасқаны анықталды

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова астанадағы коронавирус бойынша эпидемиологиялық ахуалды таныстырды, деп хабарлайды Елорда Инфо тілшісі. «Нұр-Cұлтанда тіркелген 222 коронавирус инфекциясы жағдайынан 2167 байланысқа түскен адам анықталған. Орташа алғанда, бір науқас 10 адаммен қатынасқан. Байланысқан азаматтардың бәрі - инфекцияны белсенді таратушылар. Олар дер кезінде ауруханаға жатқызылып, оқшауланып, вирустың бар-жоғына тексерілді. Осы топтан 131 қауіпті індет жұқтырған науқас анықталды. Бұл астанада тіркелген жағдайлардың жалпы санының 60 пайызын құрайды», - деді Қисықова Орталық коммуникациялар қызметіндегі брифингте.