Елорда тұрғындарын вакцинация пунктеріне жеткізетін автобустар ұйымдастырылды

Вакцина алатын тұрғындарға ыңғайлы болу үшін Агроқалашық, Көктал-1, Көктал-2 елді мекендерінен емханаларға дейін арнайы автобустар жүретін болады. Елорда әкімдігінің хабарлауынша автобустардың жүретін уақыты мен орындары туралы ақпаратты елді мекендердің инспекторларынан білуге болады. Агроқалашық елді мекенінің инспекторы: Ержан Жұмағұлов – 8 701 527 98 99. Көктал-1 және Көктал-2 елді мекендерінің инспекторы: Самат Топатаев – 8 702 818 88 01. Қазіргі таңда Сарыарқа ауданында орналасқан емханаларға 267 354 тұрғын тіркелген, ал олардың 253 812-сі коронавирустық инфекцияға қарсы екпе алды. Естеріңізге сала кетейік, індетпен күресудің ең тиімді әдісі – халықты жаппай вакцинациялау арқылы ұжымдық иммунитетті қалыптастыру. Қазіргі уақытта елордада алғашқы медициналық-санитарлық көмек көрсету мекемелерінде, сондай-ақ ірі СОО мен СҮ-де 100-ге жуық егу пункті жұмыс істейді.