Алматы ауданында ауыл шаруашылығы жәрмеңкесі өтіп жатыр

Жәрмеңке күн сайын сағат 10:00-ден 18:00-ге дейін жұмыс істейді. Дәстүрлі түрде өнімдер нарық құнынан 10-15% төмен бағамен сатылады.

Мәселен, 10 кг ұнды 3 150 теңгеге, «Цесна» макаронының бес келісін 1 650 теңгеге, 5 литр күнбағыс майын – 4 200-4 400 теңгеге сатып алуға болады.

Күріштің бір келісі – 350 теңге, қарақұмықтың қаптамасы – 650 теңге. Сиыр етінің бір келісі 1 950-2 100 теңгеден, жылқы еті 2 400-2 500 теңгеден сатылады.

Сондай-ақ ассортиментте: жұмыртқа – 400-450 тг/10 дана; тауық еті (АҚШ) – 1 180 тг/кг; үй майы - 3 600 тг; картоп – 230 тг; сәбіз – 250 тг; қырыққабат – 400 тг; пияз – 200 тг; қияр – 650 тг; қызанақ – 950 тг; алма – 250 тг; банан – 850 тг.