«Астанада қар қалың, аттап қалсаң алға адым...» (ФОТОРЕПОРТАЖ)

«Қазгидромет» РМК синоптиктерінің ақпаратына қарағанда, елордада үш тәулік ішінде 10 мм-ден астам қар түскен. 14 ақпан, яғни кеше қар қалың болды - 4,7 мм.

14-15 ақпанда қаладан 28 мың текше метрге жуық қар шығарылды.

Коммуналдық қызметтер өткен тәулікте қар полигондарына 2 мыңнан астам рейс жасады.

Бүгінде қала бойынша қар тазалау жұмыстарына 1000-нан астам арнайы техника мен 1500-ден астам жол жұмысшысы жұмылдырылды.

Ережеге сәйкес, коммуналдық қызметкерлер кептелісті болдырмау үшін алдымен жолдарды қардан тазартады.

Сондай-ақ алаңдар, тротуарлар, әлеуметтік нысандарға кіретін жолдар қарқынды тазаланып жатыр.

Қардан тазаланғаннан кейін елорданың жолдары мен тротуарлары осылай көрінеді.