Қала ішінде қатынайтын автобустарға тексеріс жүргізілді

Бас санитарлық дәрігер қаулысының талаптары қаншалықты сақталатынын тексерді, атап айтқанда: - бетперде тағу режимі; - соңғы аялдама пунктеріне дезинфекциялық жұмыстардың жүргізілуі; - жолаушыларға арналған антисептиктердің болуы; - алдыңғы есіктің кіреберісінде ақпараттық стикерлердің болуы. Сондай-ақ, жүргізушілермен жол қауіпсіздігі бойынша нұсқама өткізілді. Департамент "№ 1 автобус паркі" АҚ, "№ 3 SK автобус паркі" ЖШС, "№ 4 автобус паркі" ЖШС, "№ 5 автобус паркі" ЖШС, "Жорға МТ" ЖШС және "№ 7 Автопарк" ЖШС барлығы 517 маршруттық көлік құралдарының мониторингін жүргізді. Ал 43 автобуста бұзушылықтар анықталды.⠀ Тексеру нәтижесінде көптеген автобустарда антисептиктер талапқа сәйкес келмейді, жолаушылар үшін ақпарат жоқ немесе талаптарға сай емес. Сондай-ақ, жиі кездесетін бұзушылықтардың бірі - өрт сөндіргіштердің дұрыс жұмыс істемеуі.