Елордалық жастардың жемқорлыққа қарсы кездесуі өтті

Кездесу барысында Нұрдәулет Шертім жастармен өзінің шығармашылық тәжірибесімен бөлісті.

Ол жастарға өзін-өзі дамытумен айналысуға, оқуға және бәріне жауапкершілікпен қарауға, адал болуға кеңес берді.

“Jas Otan” ЖҚ Астаналық филиалы төрағасының бірінші орынбасары Мағзұм Арсланбек жастарды бірінші кезекте өздеріне қатысты парасатты және адал болуға, сыбайлас жемқорлыққа қатысты барынша төзбеушілік танытуға шақырды.

Іс-шара барысында белсенділер өздерін қызықтырған сұрақтарға жауап ала алды. Бұл кездесуде ең қызықты сұрақтардың бірі – «Адам өміріндегі ең маңызды құндылықтар қандай?». Қонақ студенттердің барлық сұрақтарына жауап берді, сондай-ақ әңгіме соңында жастармен бірге тикток әлеуметтік желілеріне арналған бейнеролик түсірді.