Нұр-Сұлтанда бір тәулікте 142 жол-көлік оқиғасы тіркелді

ашық дереккөз

Тәртіп сақшыларының мәліметінше, елордада соңғы тәулікте 142 жол-көлік оқиғасы тіркеліп, бес адам зардап шеккен.

25 қарашада таңертеңнен бері қалада 45 жол-көлік оқиғасы болған.

“Жол қозғалысы ережелерін, жылдамдықты шектеуді және қауіпсіз арақашықтықты қатаң сақтаңыз. Қарлы боран мен көктайғақ барлық жол қозғалысына үлкен қауіп төндіреді. Жүргізушілерге өз бағытын алдын ала жоспарлауды, маневр және тосыннан тежеуішті басу жағдайларын болдырмауды және қала сыртына шығудан бас тартуды ұсынамыз", - делінген хабарламада.

Жаяу жүргіншілерге де өте сақ болу ұсынылады. Сондай-ақ, полицейлер тұрғын үйлерге қызмет көрсететін компания өкілдерін аулаларды тазалау жұмыстарын уақытылы ұйымдастыруға шақырады.