«Таза Қазақстан»: елордалық оқушылар Ботаникалық баққа экскурсия жасады

Фото: Астана қаласы әкімдігінен

Астанада «Таза Қазақстан» экологиялық акциясы аясында Ботаникалық бақта мектеп оқушыларына экскурсия ұйымдастырылды, деп хабарлады Elordainfo.kz.

«Есіл» ауданында балалар үшін ерекше танымдық экскурсия ұйымдастырылды. Іс-шара барысында бүлдіршіндер Ботаникалық бақтың оранжереясына барып, онда өсетін сан алуан экзотикалық өсімдіктермен танысты.

Аталған іс-шара жас ұрпақтың экологиялық мәдениетін қалыптастыруға және қоршаған ортаны аялауға тәрбиелеуге бағытталады.

Айта кетейік, Астанада Дүниежүзілік тазалық күні (World Cleanup Day) және «Таза Қазақстан. Астана – тазалық пен тәртіптің үлгісі» экологиялық айлығы аясында өткен ауқымды жалпықалалық сенбілікке 100 мыңнан астам адам қатысқан болатын.