Заң мен тәртіп: Елордалық прокуратурада мектеп оқушылары үшін ашық есік күні өтті

Фото: Астана қаласы әкімдігі

Астанада Сарайшық ауданы прокуратурасының бастамасымен «Заң мен тәртіп» қағидаты және «Жас үміт» жобасы аясында прокуратура ғимаратында №17 мектептің – «Өтеген Сейітов атындағы Болашақ прокурорлар клубы» мүшелері үшін ашық есік күні ұйымдастырылды, деп хабарлайды Elordainfo.kz елорда әкімдігінің сайтына сілтеме жасап.

Іс-шараның мақсаты – жастарды прокуратура органдарының қызметімен таныстыру, құқықтық мәдениетті арттыру және құқық саласындағы мамандыққа қызығушылық қалыптастыру.

Кездесу барысында прокуратура қызметінің негізгі бағыттары таныстырылып, қала прокуратурасына қарасты басқармалардың жұмысы көрсетілді. Сонымен қатар, оқушылар прокуратура мұражайына экскурсия жасап, мекеменің тарихымен танысты.