Ұлттық ұлан сарбаздары 8 телефонды түзету мекемесі аумағына жасырын өткізбек болған әрекеттің жолын кесті, деп хабарлады Elordainfo.kz.
Аршалыда қауіпсіздігі барынша жоғары түзету мекемесі аумағына тыйым салынған заттарды жасырын өткізбек болған әрекет дер кезінде тоқтатылды.
Жедел бөлімге көмір үйіндісінен күдік тудырған түйіншектің табылғаны туралы ақпарат келіп түсті. Хабарлама бірден тіркеліп, тиісті шаралар қабылданды. Оқиға орнына жедел бөлім қызметкерлері қызметтік итпен бірге барды.
Көрсетілген орынға келген соң топ аумақты мұқият тексерді. Тексеру барысында қара түсті түйіншек ішінен сегіз мобильді телефон және екі SIM-карта анықталды. Бұл заттар күзетілетін аймаққа заңсыз жолмен өткізілмек болған.
