Іздеу Тараз соты 9 банкке қарызы бар әйелге қаржылық қиындықтан шығуға көмектесті
Жібек Наурыз
Тараз қалалық соты қала тұрғынының төлем қабілеттілігін қалпына келтіру рәсімін қолдану туралы арызы бойынша азаматтық істі қарады, деп хабарлайды Elordainfo.kz Жамбыл облыстық сотына сілтеме жасап.
Әйел сотқа жүгініп, қаржылық қиындықтарға байланысты несиелер бойынша міндеттемелерді уақтылы орындай алмағанын көрсетті. Оның 9 кредитор (банктер және микроқаржы ұйымдары) алдындағы қарыздарының жалпы сомасы 9,6 млн теңгеден асты. Бұрын ол несиелерді төлеп жүрген, бірақ уақыт өте келе оның табысы барлық міндеттемелерді жабуға жетпей қалған.
Арыз беруші қалалық көпсалалы ауруханада Технология мұғалімі лауазымында жұмыс істейді.
Арыз берушіде жылжымайтын мүлік жоқ, ал қарыздар табатын табысынан едәуір асып түседі.
9 кредитордың 5-і арызды қанағаттандырудан бас тартуды сұрады, бірақ сот борышкердің жосықсыз немесе мүлікті жасыру туралы ешқандай дәлел жоқ деген қорытындыға келді. Сот атап өткендей, еңбекке қабілеттілік фактісі, қаржылық қиындықтардың болуын жоққа шығармайды.
Сот азаматшының арызын қанағаттандырды. Әйелге қатысты берешекті өтеу жоспары әзірленетін болады. Процедура кезеңінде қарыздарды өндіріп алу, айыппұлдар мен өсімпұлдарды есептеу тоқтатылады.
Сот шешімі әйелге қарыздар бойынша төлемдерді реттеуге және қалыпты өмір сүру мүмкіндігін сақтай отырып, қаржылық жағдайын қалпына келтіруге мүмкіндік береді.
Шешім заңды күшіне енді.
Еске салайық, бұған дейін тойға қарыз алып, өтей алмаған павлодарлықты сот банкрот деп танығаны туралы жаздық.
