ШҚО-да қылмыстық-атқару жүйесінің қызметкерлері ірі көлемде ақша ұрлаған

фото: Оңалхан Өнерхан

Өскемен қаласының соты облыстық Қылмыстық-атқару жүйесі департаменті қызметкерлеріне қатысты үкімді жариялады, деп хабарлады Elordainfo.kz Сыбайлас жемқорлыққа қарсы іс-қимыл агенттігіне сілтеме жасап.

«№17 мекеме бастығының бұрынғы орынбасары мен аға инспектор жылжымайтын мүліктің жоқтығы туралы тұрғын үй комиссиясына әдейі жалған мәліметтер беру арқылы 5,8 млн теңге көлеміндегі қаражатты ұрлағаны үшін кінәлі деп танылды»,- деп жазылған хабарламада.

Оларға 3 жыл 6 ай мерзімге бас бостандығынан айыру және мемлекеттік қызмет пен квазимемлекеттік секторда лауазымды қызмет атқару құқығынан өмір бойына айыру жазасы тағайындалды. Сондай-ақ, сотталғандар әділет майоры мен лейтенанты арнайы атақтарынан айырылды.