Қазақстан таеквондодан әйелдер арасындағы ашық әлем чемпионатына қатысады

28 тамызда Қытайдың Тайюань қаласында таеквондодан әйелдер арасында ашық әлем чемпионаты басталады, деп хабарлайды Elordainfo.kz ҚР ҰОК сілтеме жасап.

Аталған додада ел намысын тоғыз спортшы қорғайды:

46 келіге дейін: Айдана Құмартаева, Жанель Сұлтанғалиева, Тоғжан Өмірзақ;

49 келіге дейін: Нұрай Бауыржанова, Адель Жанділдинова;

57 келіге дейін: Мария Севостьянова;

62 келіге дейін: Айша Әділбекқызы;

67 келіге дейін: Аружан Найманбаева;

73 келіге дейін: Нұрай Хусаинова. 

Айта кетейік, әлем чемпионаты 30 тамызға дейін жалғасады.

Бұған дейін қазақстандық балуандар U20 әлем чемпионатында төрт медаль жеңіп алғанын жаздық.