Мемлекет басшысы Кипр Президенті Никос Христодулидисқа құттықтау жеделхатын жолдады, деп хабарлады Elordainfo.kz.

Қасым-Жомарт Тоқаев Никос Христодулидисты Кипр Республикасының Тәуелсіздік күнімен құттықтап, оның отандастарына бақ-береке тіледі.

Қазақстан Президенті Астана мен Никосия арасындағы ынтымақтастықтың аясы жылдан жылға кеңейіп келе жатқанына тоқталды.

Сонымен қатар екі елдің өзара түсіністікке негізделген достық қарым-қатынасы одан әрі нығая беретініне сенім білдірді.

Айта кетейік, бұған дейін Мемлекет басшысы Нигерия Президентіне құттықтау жеделхатын жолдаған болатын.