Пойыздағы жаппай улану оқиғасы бойынша қылмыстық іс қозғалды

Фото: Оңалхан Өнерхан

Алматыда пойыздағы жаппай улану оқиғасы бойынша қылмыстық іс қозғалды, деп хабарлады Elordainfo.kz.

«Аталған факті бойынша Алматы-1 станциясындағы желілік полиция басқармасы Қылмыстық кодекстің 156-бабы (Еңбекті қорғау қағидаларын бұзу) бойынша қылмыстық іс қозғады. Қазіргі уақытта оқиғаның барлық мән-жайларын анықтау үшін қажетті тергеу әрекеттері жүргізілуде, оның қорытындысы бойынша заңға сәйкес процессуалдық шешім қабылданатын болады. Өзге ақпарат Қылмыстық-процестік кодекстің 201-бабына сәйкес жария етуге жатпайды», - деп жазылған Көлік полициясы департаментінің баспасөз қызметі таратқан хабарламада.

Бұған дейін Алматыда пойызда 50-ден астам адам уланғанын, балалар жансақтау бөлімінде екенін жаздық.