Оралда ер адам мәңгілік алауға темекі тұқылын тастаған

Фото: БҚО Полиция департаменті

Полиция қызметкерлері «Мәңгілік алау» мемориалдық кешенінде қоғамдық тәртіпті бұзған ер адамды анықтады, деп хабарлайды Elordainfo.kz Батыс Қазақстан облысының Полиция департаментіне сілтеме жасап.

Жеңіс алаңындағы «Мәңгілік алау» мемориалдық кешенінің аумағында ер адамның ескерткішке шығып, темекі шегіп, оның тұқылын тастағанын полиция бейнебақылау камерасы арқылы көрген.
Құқыққа қайшы әрекеттер жасаған ер адам ұсталып, Әкімшілік құқық бұзушылық туралы кодексінің 434-2-бабы 1-бөлігі бойынша әкімшілік жауапкершілікке тартылды.