Кеше ел аумағында 3 орман өрт тіркелді

25 шілдеде республика бойынша орман қоры жерінде 3 өрт тіркелді, деп хабарлайды Elordainfo.kz Экология және табиғи ресурстар министрлігіне сілтеме жасап.

Бурабай ұлттық паркінде 2 өрт тіркеліп, «Казавиаорманқорғау» мекемесінің Ми-8 тікұшағы жұмылдырылып, орманшылар мен «Қазавиаорманқорғау» әуе десантшыларының жедел әрі үйлесімді іс-қимылының арқасында оқшаулау жұмысы жеделдетілді.

«Семей орманы» резерватында найзағай түсіп, шағын аумақта өрт ошағы анықталды, ол қысқа мерзімде толық сөндірілді.

Министрлік, өрт қауіпі жоғары кезде табиғат аясында демалушыларға және орман пайдаланушыларына өрт қауіпсіздігің қатаң сақтауға шақырды.