Елордада мектепке дейінгі ұйымдардағы қауіпсіздік мәселесі бойынша кеңес өтті

Астана қалалық прокуратурасы видеосының скрині

Астана қаласының Сарайшық ауданының прокуратурасы мемлекеттік және жекеменшік мектепке дейінгі ұйымдардың басшыларымен балалардың қауіпсіздігін қамтамасыз ету мәселелері бойынша кеңес өткізді, деп хабарлайды Elordainfo.kz Астана қаласының прокуратурасына сілтеме жасап.

Кездесу барысында қатысушыларға Қазақстан Республикасы Қылмыстық кодексінің кәмелетке толмағандарды тәрбиелеу жөніндегі міндеттерді тиісінше орындамағаны үшін жауапкершілікті көздейтін 140-бабының ережелерін қоса алғанда, заңнама талаптары түсіндірілді.

Балалардың болу жағдайларына бақылауды күшейту, қауіпсіздік шараларын сақтау және олардың өмірі мен денсаулығына қауіп төндіретін фактілерге жол бермеу мәселелеріне ерекше назар аударылды.

Астана қаласының прокуратурасы кәмелетке толмағандардың құқықтары мен заңды мүдделерін қорғауға бағытталған жұмысты жалғастырады.