Астаналық төтеншеліктер терек мамығы өрттің таралуына себеп болуы мүмкін екенін ескертті

Астана қаласы Төтенше жағдайлар департаменті терек мамығы өте тез тұтанғыш және үлкен аумақтарды қамтып жоғары жылдамдықпен жанатынын ескертті, деп хабарлайды Elordainfo.kz.

Астана ТЖД мынадай қауіпсіздік шараларын еске салады:

- терек мамығын өзіңіз өртемеңіз және балалардың өртеуіне жол бермеңіз;
- егер көшеде еркелікпен терек мамығын өртеп жатқан балаларды көрген болсаңыз бей-жай өтіп кетпеңіз;
- балалардың сіріңке мен оттыққа қолжетімділігін шектеңіз;
- аулаларда өрттің алдын алу үшін жиналған терек мамығына су төгіп, оны тұрғын үйлер мен құрылыстардан аулақ алып тастаған жөн.