Астаналық құтқарушылар лифтіде қамалып қалған әйелге көмек көрсетті

Фото: Оңалхан Өнерхан

Астана қаласының 112 қызметіне Қабанбай батыр даңғылы бойындағы тұрғын үй кешендерінің бірінде лифт кабинасында әйел адамның қамалып қалғаны туралы хабарлама түсті, деп хабарлады Elordainfo.kz.

«Оқиға орнына жедел жеткен ТЖМ жедел-құтқару жасағы арнайы лифт кілтінің көмегімен кабина есігін ашып, әйел адамды қауіпсіз түрде эвакуациялады.

Оған медициналық көмек қажет болған жоқ», - делінген хабарламада.

Төтенше жағдайлар министрлігі ескертеді: төтенше жағдайлар туындаған кезде 112 нөміріне хабарласыңыз.

Бұған дейін құтқарушылар қар құрсауында қалған жағдайда жасалуы қажет іс-әрекеттер нұсқаулығын ұсынған болатын.