Астаналық гимнаст Испаниядағы турнирде екі қола медаль жеңіп алды

Астаналық гимнаст Испаниядағы турнирде екі қола медаль жеңіп алды
Фото: olympic.kz

Көркем гимнастикадан Қазақстан құрамасының өкілі Ақмарал Ерекешева Овьедо қаласында өткен Испанияның клубтық чемпионатында екі медаль жеңіп алды, деп хабарлайды Elordainfo.kz ҚР ҰОК баспасөз қызметіне сілтеме жасап.

Қазақстандық гимнаст халықаралық турнирде екі рет қола жүлдеге ие болды.

Ақмарал Ерекешева шығыршықпен жаттығуда 29.700 ұпай жинады. Ал лентамен өнер көрсетуде төрешілер қазақстандық спортшыға 27.600 ұпай берді.

Айта кетейік, құрамында Ақмарал Ерекешева өнер көрсеткен «Gimnasia Chiclana» клубы жалпы есепте төртінші орын алды.

Бұған дейін астаналық гимнасттың Азия чемпионатында үш медаль жеңіп алғанын жазған едік.