Астанада тағы бір көше жөндеу жұмысына байланысты жабылады

Фото: Оңалхан Өнерхан

Бұл туралы Астана қаласы әкімдігінің баспасөз қызметі мәлім етті, деп хабарлайды Elordainfo.kz.

«Мәңгілік Ел даңғылы мен Сығанақ көшесінің қиылысындағы көшелер құрылысы» жобасын жүзеге асыру аясында 15 сәуір мен 1 қыркүйек аралығында Ә.Бөкейхан көшесінен №9 қалалық емханаға дейінгі учаскеде жол толықтай жабылады.

Емханаға кіру жолдары Мәңгілік Ел даңғылы жағынан қамтамасыз етіледі.

«Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.

Осы өзгерістерге түсіністікпен қарауды және қала бойынша қозғалыстарды жоспарлау кезінде оларды алдын ала ескеруді сұраймыз», - делінген хабарламада.

Еске сала кетейік, Астанада заңсыз қоқыс төккен жүргізушілер жауапқа тартылды.