Астанада прокурорлар тұрғындарға интернет-алаяқтық схемаларын түсіндірді

Астана қалалық прокуратурасы видеосының скрині

«Заң мен тәртіп» идеологиясын іске асыру аясында Астана қаласы «Сарыарқа» ауданының прокуратурасы «iKomek109» халықты жұмыспен қамту орталығында интернет-алаяқтықтың алдын алу мәселелері бойынша профилактикалық кездесу өткізді, деп хабарлайды Elordainfo.kz елорда прокуратурасына сілтеме жасап.

Іс-шара барысында қатысушыларға интернет-алаяқтықтың кең таралған схемалары түсіндіріліп, сондай-ақ үшінші тұлғаларға банк карталарының деректерін және SMS кодтарды бермеу, күмәнді сілтемелерге өтпеу және интернет қауіпсіздігі шараларын сақтау жөнінде ұсынымдар берілді.

Сонымен қатар, Қазақстан Республикасының заңнамасында көзделген алаяқтық әрекеттер жасағаны үшін жауапкершілік түсіндірілді.

Елорда прокуратурасы азаматтарды қырағылық танытуға, интернет қауіпсіздігі шараларын сақтауға және дербес деректерді қорғауға жауапкершілікпен қарауға шақырады.