Астанада прокуратура балаларға арналған профилактикалық іс-шара өткізді

Астана қалалық прокуратурасы видеосының скрині

«Заң мен тәртіп» тұжырымдамасын іске асыру аясында және Халықаралық балаларды қорғау күніне орай Астана қаласының Сарыарқа ауданының прокуратурасы кәмелетке толмағандарға арналған профилактикалық іс-шара өткізді, деп хабарлайды Elordainfo.kz Астана қаласы прокуратурасына сілтеме жасап.

Кездесу барысында балаларға жазғы демалыс кезеңіндегі қауіпсіз мінез-құлық қағидалары, су айдындарындағы сақтық шаралары, жол қозғалысы қауіпсіздігінің негізі, сондай-ақ құқық бұзушылық жасағаны үшін жауаптылық түсіндірілді.

Балалардың құқығын қорғау, жеке қауіпсіздік және заңға бағынатын мінез-құлықты қалыптастыру мәселесіне ерекше назар аударылды.

Астана қаласының прокуратурасы кәмелетке толмағандардың құқықтық сауаттылығын арттыруға және олардың жазғы демалысын қауіпсіз ұйымдастыруға бағытталған профилактикалық іс-шараларды іске асыруды жалғастырады.