Астана тұрғындары үшін тегін жол жүру: референдум күні көлік қалай жұмыс істейді

Фото: Астана әкімдігі

Астанада бүгінгі 15 наурыз – республикалық референдум өтетін күні қалалық, экспресс және қала маңындағы автобус бағыттарында жол жүру тегін, деп хабарлайды Elordainfo.kz қала әкімдігінің ресми сайтына сілтеме жасап.

Бүгін елорда тұрғындары мен қонақтары қоғамдық көлікті ақысыз пайдалана алады. Бұл шара азаматтардың жүріп-тұруына қолайлы жағдай жасауға және сайлау учаскелеріне қолжетімділікті арттыруға бағытталған.

Қоғамдық көлік бекітілген кестеге сәйкес штаттық режимде — сағат 06:00-ден 23:00-ге дейін жұмыс істейді.

16 наурыздан бастап қоғамдық көлік әдеттегі режимде жұмысын жалғастырады. Жолаушыларға сапарларын жоспарлау кезінде осы ақпаратты ескеру ұсынылады.

#автобус