Астана прокуратурасы интернет-алаяқтықтан сақтану туралы бейнеролик жариялады

Фото: Оңалхан Өнерхан

«Заң мен тәртіп» тұжырымдамасын іске асыру аясында Астана қаласының Есіл ауданы прокуратурасы интернет-алаяқтықтың алдын алуға және халықтың құқықтық сауаттылығын арттыруға бағытталған профилактикалық бейнеролик дайындады, деп хабарлайды Elordainfo.kz Астана қаласының прокуратурасына сілтеме жасап.

Бейнероликте интернет-алаяқтықтың ең көп таралған тәсілдері, сондай-ақ азаматтардың ақша қаражаты мен жеке деректерін қорғауға бағытталған сақтық шаралары түсіндірілген.

«Астана қаласының прокуратурасы елорда тұрғындары мен қонақтарын қаржылық операцияларды жүзеге асыру кезінде қырағылық танытуға, бөгде адамдарға SMS-кодтарды, банк карталарының деректемелерін, құпиясөздерді және өзге де жеке деректерді хабарламауға, сондай-ақ өздерін банк, құқық қорғау немесе мемлекеттік органдардың қызметкерлері ретінде таныстыратын белгісіз тұлғалардың қоңыраулары мен хабарламаларына сенбеуге шақырады», делінеді хабарламада.

Посмотреть эту публикацию в Instagram

Публикация от АСТАНА ҚАЛАСЫНЫҢ ПРОКУРАТУРАСЫ/ПРОКУРАТУРА ГОРОДА АСТАНЫ (@prokuratura.ast)

Интернет-алаяқтықтың алдын алу және азаматтардың цифрлық сауаттылығын арттыру халықтың қауіпсіздігін қамтамасыз етудегі басым бағыттардың бірі болып табылады.