Ақмола облысында «Шоптыкөл» бөгеті бұзылып, қалпына келтіру жұмыстары жүріп жатыр

Фото: ТЖМ

Қорғалжын ауданында «Шоптыкөл» бөгетінің бұзылуы тіркелді, деп хабарлайды Elordainfo.kz ТЖМ баспасөз қызметіне сілтеме жасап.

Гидротехникалық нысан Сабынды ауылынан солтүстікке қарай 2 шақырым жерде орналасқан. Оқиға орнында суды қауіпсіз өткізу бойынша жедел жұмыстар жүргізілуде.

Салдарды жоюға ТЖМ, жергілікті атқарушы органдар, аудандық полиция бөлімі және жол қызметтерінің күштері мен құралдары жұмылдырылған.

«Жалпы саны шамамен 170 адам және 43 бірлік техника тартылған. Бөгетті нығайту, инертті материалдар төгу және суды бұру жұмыстары жүргізілуде.

Жағдай ТЖМ-нің тұрақты бақылауында», – делінген хабарламада.

Бұған дейін «Астана» өңірлік қолбасшылығының 150 әскериі бөгеттерді нығайтып жатқанын жазғанбыз.