25.07.25 - ерекше күн. Бұл күні ел аумағында 1 465 жұп некеге тұруға ниет білдіріп, АХАТ бөлімдеріне өтініш тапсырған, деп хабарлады Elordainfo.kz «Азаматтарға арналған үкімет» мемлекеттік корпорациясы КЕАҚ баспасөз қызметіне сілтеме жасап.

Отбасылық өмірге қадам жасағысы келгендердің көшін Алматы қаласы бастады - мұнда 257 өтініш тіркелді. Астанада 225 жұп бел буды, үштікті 144 өтінішпен Қарағанды облысы түйіндеді.

Ал өмірдің жаңа кезеңіне бет бұрып, өз жолын жалғастыруды таңдаған 218 азамат неке бұзу туралы шешім қабылдады. Осылайша, бүгін АХАТ бөлімдеріне 109 неке бұзу туралы өтініш түсті.