Елордалық құтқарушылар Ант қабылдады

Фото: Астана қаласы ТЖД

Кәсіби мереке – Құтқарушы күні қарсаңында Астана қаласы Төтенше жағдайлар департаментінде жаңадан қызметке қабылданған қызметкерлердің Ант қабылдау рәсімі салтанатты түрде өтті, деп хабарлайды Elordainfo.kz қалалық ТЖД-ның баспасөз қызметіне сілтеме жасап.

Салтанатты рәсім барысында жас қызметкерлер Қазақстан Республикасының заңнамасын қатаң сақтауға, қызметтік міндеттерін адал атқаруға, Отанға абыроймен қызмет етуге және азаматтардың қауіпсіздігін қорғауға ант берді.

Департамент басшылығы мен төтенше жағдайлар органдарының ардагерлері жас қызметкерлерге ақжол тілеп, қызметте табыс пен абыроймен атқаруды тіледі.