Іздеу 
«24KZ» телеарнасындағы «Басты дебатқа» қатысатын партиялардың реттік нөмірлері анықталды
Жәнібек Амангелді
«24KZ» телеарнасындағы телевизиялық пікірсайысқа қатысатын партиялардың реттік нөмірлері анықталды, деп хабарлайды Elordainfo.kz телеарнаға сілтеме жасап.
Бүгін «24KZ» телеарнасында «Басты дебат – 2026» телевизиялық пікірталасына қатысатын саяси партиялардың сөз сөйлеу кезегін анықтау үшін жеребе тарту рәсімі өтті.
Жеребе басты теледебатқа бір күн қалғанда, сағат 10:00-де «24KZ» телеарнасының тікелей эфирінде ұйымдастырылды. Нәтижесінде жеті саяси партияның дебат барысында сөз сөйлеу реті айқындалды.
Жеребе тарту рәсіміне қатысқан саяси партиялардың өкілдері:
1. «Әділет» партиясы – Ләззат Шыңғысбаева, «Әділет» партиясынан Құрылтай депутаттығына үміткер;
2. Жалпыұлттық социал-демократиялық партиясы (ЖСДП) – Мақсұт Насибұлов, партияның орталық аппаратының жетекшісі;
3. «Байтақ» жасылдар партиясы – Нариман Баубек, «Байтақ» партиясынан Құрылтай депутаттығына үміткер;
4. Қазақстан Халық партиясы (ҚХП) – Бейбіт Құсайынов, партия төрағасының орынбасары;
5. «Ауыл» партиясы – Шахмардан Байманов, партия төрағасының орынбасары – аппарат басшысы;
6. «Ақ жол» демократиялық партиясы – Асылхан Қожахметов, партияның республикалық штабының жетекшісі;
7. Respublica партиясы – Жанат Ысқақов, партия төрағасының орынбасары – Орталық аппарат жетекшісі.
Бүгін «24KZ» телеарнасының тікелей эфирінде өткен жеребе тарту рәсімі барысында партиялардың «Басты дебатқа» реттік нөмірі:
1. «Respublica» партиясы
2. «Байтақ» жасылдар партиясы
3. «Ақ жол» демократиялық партиясы
4.«Әділет» партиясы
5. «Ауыл» халықтық-демократиялық патриоттық партиясы
6. Жалпыұлттық социал-демократиялық партиясы (ЖСДП)
7. Қазақстан Халық партиясы (ҚХП)
Естеріңізге сала кетейік, 19 тамыз күні сағат 20:00-де «24KZ» телеарнасының тікелей эфирінде «Басты дебат – 2026» телевизиялық пікірталасы өтеді. Бұл – ел тарихындағы алғаш Құрылтай сайлауы алдындағы соңғы теледебат. Басты теледебатта жеті партияның көшбасшысы бір алаңда бас қосады.
Саяси пікірталастың негізгі тақырыбы – «Дамыған экономика – қуатты қоғам». Дебат модераторлары – белгілі тележүргізушілер Нұрсұлтан Құрман мен Мөлдір Досбай. Азаматтардан келіп түсетін сауалдарды байланыс орталығы арқылы Сағыныш Әбікей қабылдайды.
