Түркістанда бюджет қаржысын жымқырған шенеуніктерге қатысты тергеу жүріп жатыр

фото: www.gov.kz

Түркістан облысының прокуратурасы қазынашылық департаментінің қызметінде жүйелі заңдылықты бұзушылықтарды анықтады, деп хабарлады Elorda.info.

Түркістан облысының прокуратурасының мәліметінше, аталған департаменттің лауазымды тұлғалары «Сырдария-Түркістан мемлекеттік өңірлік табиғи паркі» КММ есепшілерімен сөз байласу арқылы КММ-нің қызметкерлерінің санын негізсіз ұлғайтып, 8 млн жуық теңгені иемденген.

Бөтен мүлiктi иемденiп алу фактісімен жинақталған құжаттар тергеу жүргізу Түркістан облысы бойынша Экономикалық тергеп-тексеру департаментіне тапсырылды. Басқа да қолданыстағы заңнамалар бойынша заң бұзушылықтар анықталып, оларды жою мақсатында Қазақстан Республикасы Қаржы министрлігіне ұсыныс енгізілді.

#жемқорлық