Перизат Қайрат екі айға қамауға алынды

Еріктілер қозғалысының белсендісі Перизат Қайрат екі айға қамауға алынды, деп хабарлады Elordainfo.kz.

Қаржылық мониторинг агенттігінің мәлімдеуінше, оған қатысты тағы бір заңсыздық әрекет анықталған. 2023 жылдың қараша айында Перизат Қайрат Палестина тұрғындарына гуманитарлық көмек көрсету үшін ақша жинаған.

«2023 жылғы желтоқсанда осы ақша есебінен Перизат Қ. Sensata Plaza элиталық кешенінен 49 млн теңгеге үш бөлмелі пәтер және 30 млн теңгеге Mercedes-Benz EQE 500 4 Matic жаңа автокөлігін сатып алды. Сонымен қатар, қаражаттың бір бөлігі БАӘ-де Rolex, Prada және Fendi брендтік бутиктерінен зергерлік бұйымдарды, сағаттар мен киімдерді сатып алуға жұмсалды», - делінген хабарламада.

Бұл эпизод бойынша Перизат Қ. 200 млн теңгеден аса қаражатты жымқырды деп күдіктелуде.

Тергеу жалғасуда.