Есіл өзеніне 600 мыңнан астам сазан мен ақ амур шабақтары жіберілді

Балық қорын қалпына келтіру және ұтымды пайдалану, сондай-ақ экологиялық тепе-теңдікті сақтай отырып, қала тұрғындарының демалысына қолайлы жағдай жасау мақсатында балықтандыру акциясы өткізілді, деп хабарлады Elordainfo.kz.

Іс-шара Ауыл шаруашылығы министрлігі Балық шаруашылығы комитетінің мемлекеттік тапсырысы бойынша жүзеге асырылуда.

Балықтандырудың алғашқы кезеңінде Есіл өзеніне орташа салмағы 10 грамм болатын 367 мыңнан астам тұқы балығының шабағы жіберілді. Ал екінші кезеңінде Есілге тағы да 237 мыңнан астам ақ амур шабақтары жіберілді.

«Бұл балық түрі артық су өсімдіктерін тазарту қабілетімен ерекшеленеді және судың сапасының жақсаруына және табиғи ортаның қалпына келуіне ықпал етеді», - делінген хабарламада.

Айта кетерлігі, балықтандыру жұмыстары жыл сайын жүргізіледі. Болашақта мұндай іс шаралардың көлемін ұлғайтып, балық саны мен түрілерін арттыру жоспарланып отыр.