Іздеу Қазақстандық бойжеткен су саласы қызметкерлерін кәсіби мерекемен ерекше құттықтады
Ернұр Қайнар
Қонаев қаласының тұрғыны, экстремалды спорт түрлерімен айналысатын Леся Колесниченко Су шаруашылығы қызметкерлері күніне орай бейнеролик жариялады, деп хабарлады Elordainfo.kz.
Ол қазақстандық сушыларды флайбордта би билеп құттықтады.
Лесияның айтуынша, бұл әрекеті арқылы ол еліміздегі су нысандарын сақтап қалу жолында еңбек етіп жүрген сала мамандарына алғысын білдіргісі келген.
«Бүгін елімізде Су шаруашылығы қызметкерлері күні аталып өтіп жатыр. Өмірім мен сүйікті ісім су стихиясымен тығыз байланысты болғандықтан, бұл күнге бейжай қарай алмадым. Күн сайын мыңдаған су шаруашылығы қызметкерлері еліміздің әсем көлдері мен өзендерін сақтап қалу үшін аянбай еңбек етіп келеді. Алғысымды білдіріп, сушыларды кәсіби мерекесімен құттықтағым келді. Әрине, өзім үшін ыстық жер – Қапшағай су қоймасында! Әрбір су маманының еңбегін ерекше бағалаймын және баршаңызға бақыт, зор денсаулық пен табыс тілеймін!» - деп жазды бойжеткен Instagram парақшасында.
